“Nuk e di nëse kanë vdekur ose janë të gjallë. Kam frikë për fatin e tyre”: Al Jazeera me video prekëse, përshkruan pasojat e tërmeteve të fuqishme në Shqipëri

PUBLIKUAR

LAJME TË TJERA

Oriola Marashi në deti, “trazohet” interneti

Oriola Marashi ka publikuar një fotosesion nga pushimet e saj luksoze në një vend...

Kurti: Më herët mirëmbajtja e rrugëve ka kushtuar 57 milionë për tri vjet, ne e kemi zbritur në 38 milionë

Kryeministri i vendit, Albin Kurti po vazhdon të tregojë disa nga të arriturat e...

Shpëtuesit në Shqipëri kanë tërhequr të paktën 22 trupa dhe më shumë se 40 të mbijetuar nga rrënojat pas një tërmeti të fuqishëm, pasi disa vende evropiane u futën në ndihmë të përpjekjeve të ndihmës.

Kështu e fillon shkrimin mediumi prestigjioz Al Jazeera, sipas të cilit, ekipet e ushtarëve, policëve dhe punonjësve të urgjencës, brenda natës të martën u futën nëpër rrënojat e blloqeve të apartamenteve dhe hoteleve në qytete në afërsi të bregdetit veriperëndimor të Adriatikut të Shqipërisë, afër epiqendrës së tërmetit me madhësi 6.4 ballë që kapi në befasi vendin përpara agimit.

Po sipas këtij mediumi, përcjell Telegrafi, shumica e atyre që u gjetën të vdekur u tërhoqën nga rrënojat në qytetin bregdetar të Durrësit dhe Thumane, në veri të kryeqytetit, Tiranë.

Në Thumanë, shkruan ndër tjerash Al Jazeera, banorët e zonës duke parë punëtorët e urgjencës mbi një ndërtesë të shembur bërtisnin emrat e të dashurve të tyre akoma brenda: “Mira!”, “Ariela!”, “Selvije!”.

Ndërkohë, Dulejman Kolaveri, një burrë në të 50-tat në Thumanë, i tha agjencisë së lajmeve AFP se kishte frikë se nëna e tij 70-vjeçare dhe mbesa gjashtë-vjeçare u bllokuan brenda apartamentit me pesë kate, sepse jetonin në katin e fundit.

“Unë nuk e di nëse ato kanë vdekur ose janë të gjallë. Kam frikë për fatin e tyre… vetëm Zoti e di”, citohet të ketë thënë ai.

Gjithsesi, thuhet në shkrimin e Al Jazeera, të cilit i është bashkëngjitur edhe një video prekëse me përshkrim, kishte gjithashtu shpërthime të shkurtra gëzimi gjatë ditës ndërsa shpëtimtarët nxirrnin të mbijetuarit.

Al Jazeera English

@AJEnglish

Albania has been hit by the worst earthquake in decades.

At least 21 were killed and hundreds injured in the 6.4-magnitude earthquake. Rescue workers continue to search for survivors.

Embedded video

395 people are talking about this

Në Durrës, dëshmitarët brohorisnin “Bravo!” pasi një ekip përdori litarë për të shpëtuar një djalë të ri nga rrënojat e një hoteli të rrëzuar në një operacion dy-orësh.

Të frikësuar të ktheheshin në shtëpi pas një seri tërmetesh të fuqishme, qindra njerëz në Durrës u strehuan natën në çadrat e vendosura në stadiumin e futbollit të qytetit.

Megjithatë, Milica Marinoviç e Al Jazeera, duke raportuar nga Shqipëria, tha se disa njerëz ishin të irrituar me përgjigjen e qeverisë.

Ajo gjithashtu ka thënë se qeveria shqiptare kishte ofruar të paguante qëndrimet e hoteleve për qytetarët derisa shtëpitë e tyre të rindërtoheshin, kështu që ata nuk do të detyroheshin të kalonin dimrin në rrugë.

Ndërsa Ministria e Shëndetësisë tha se më shumë se 600 njerëz kanë marrë ndihmën e parë për lëndime, kryesisht të vogla.

Rreth 300 ushtarë vendas dhe 1.900 policë u dërguan në Durrës dhe Thumanë për të ndihmuar në përpjekjet e shpëtimit, sipas autoriteteve.

Kosova, Italia, Franca, Rumania, Turqia, Greqia, Kroacia, Mali i Zi dhe Serbia dërguan 200 trupa, mjete dhe ekipe të specializuara të qenve gjurmues për të ndihmuar përpjekjet e ndihmës, tha Ministrja e Mbrojtjes, Olta Xhaka.

Tërmeti më i fuqishëm, shkruan tutje Al Jazeera, u përqendrua 30 km (19 milje) në perëndim të Tiranës, tha Shërbimi Gjeologjik i ShBA (USGS), dhe u ndje gjithashtu në disa vende fqinje dhe më gjerë, përfshirë këtu në rajonin jugor italian të Puglia përtej detit Adriatik.

Ndërkohë, disa orë më vonë, një tërmet me fuqi 5.4 tronditi Bosnjën, me një epiqendër 75 km (45 milje) në jug të kryeqytetit, Sarajevë, thanë vëzhguesit. Nuk ka raportime për lëndime.

Po sipas mediumit në fjalë, Gadishulli Ballkanik shtrihet pranë vijës së dy pllakave të mëdha tektonike – Afrikane dhe Euroazisë – dhe tërmetet janë të shpeshta. /Telegrafi/

SHIKO MË SHUMË

Zbulohet se sa do të jetë “kostoja ditore” nga shembja e urës në Baltimore

Shembja e urës Francis Scott Key në Baltimore pasi u godit nga një anije...

Bursa e Turqisë goditet nga një tërmet 5.1 ballë, u ndje edhe në Stamboll

Sipas informacioneve në faqen e Presidencës së Menaxhimit të Fatkeqësive dhe Emergjencave (AFAD), një...

Reshjet e mëdha të borës pengojnë udhëtimet në Gjermani, Zvicër dhe Austri, qindra fluturime janë shtyrë ose anuluar

Reshjet e dendura të borës kanë ndikuar në ndërprerjen e udhëtimeve në Gjermaninë jugore...