Vladimir Putin do të duhet të nënshkruajë një dekret për dhënien e gjashtë MiG-ëve 29 për Ushtrinë e Serbisë, gjatë takimit me Aleksandar Vuçiq-in në Moskë, ka mësuar “Vecernje Novosti”
Me këtë do të plotësohen të gjitha kërkesat që avioniët rusë zyrtarishtë të mbajnë shenjat e forcave të armatosura serbe. Shanset janë të mëdha që kjo të bëhet në mënyrë simbolike më 24 mars – në 18 vjetorin e bombardimeve të NATO-s, shkruan Novosti, raporton Gazeta Express.
Ardhja e MiG-ëve në Serbi pritet më së vonë gjatë këtij muaji, sipas informatave që posedon gazeta serbe, ndërsa të gjithë avionët do të mbërrijë në aeroportin e Batajnicës, ku ata do të dorëzohen për përdorim nga Forcat ajrore. Në dorëzimin ceremonial do të marrë pjesë edhe ministri rus i Mbrojtjes, Sergei Shoigu.
Detajet e ardhjes së MiG-ëve nga Rusia tani për tani nuk janë publikuar zyrtarisht. Sipas të dhënave të “Novosti”, janë dy skenarë për dërgesën e këtyre avionëve.
“Po konsiderohet mundësinë e fluturimeve direkte të MiG-ëve nga Rusia në Serbi. Kjo nuk është konfirmuar ende, pasi do të ketë konotacione delikate politike. Një nga idetë në këtë rast është se avionët hyjnë në hapësirën tonë ajrore dhe e përshëndesin Serbinë për së gjati në tërë territorin e saj. Mundësia e dytë është dërgimi i avionëve me avionët e transportit ajror rus, ndoshta të tipit “Ilyushin”, ka thënë bashkëbiseduesi i “Novosti” nga udhëheqja ushtarake serbe./GazetaExpress/.
