Kryetari i Komunës së Lipjanit, Imri Ahmeti, gjatë ditës së djeshme së bashku me Kryeshefin Ekzekutiv të Kompanisë Rajonale të Mbeturinave “Pastrimi”, Prishtinë, Feim Salihu, kanë nënshkruar Marrëveshje Bashkëfinancimi për blerjen e 1000 ( një mijë) shportave për mbeturina të madhësisë 120 litërshe për qytetin e Lipjanit.
Për blerjen e këtyre shportave Komuna e Lipjanit dhe Kompania “Pastrimi”, do ti shpenzojnë 19,000.00 (nëntëmbëdhjetë mijë euro).
“ Ne përmes njësisë së “Pastrimit”, në Lipjan do ti pajisim me nga një shportë për mbeturina çdo familje lipjanase, për të krijuar lehtësira në grumbullimin e mbeturinave në mënyrë që të eliminohet hedhjet ilegale”, ka thënë Kryetari Ahmeti, duke bërë thirrje edhe tek qytetarët për mbajtjen e ambienteve sa më të pastërta me qëllim të një jetë sa më të mirë dhe më shëndoshë, njofoti Komuna Lipjanit.
