Lipjan- Policia e Kosovës (PK) njofton se është raportuar që një i burgosur është arratisur nga Qendra Korrektuese në Lipjan.

Në raportin 24 orësh të Policisë, thuhet se rasti ka ndodhur të mërkurën, ndërsa i dyshuari ishte në vuajtje të dënimit, raporton “Betimi për Drejtësi“.

“Është raportuar për largimin e një të dyshuari mashkull kosovar i cili ishte në vuajtje të dënimit në këtë qendër”, thuhet në njoftim.

Bëhet e ditur se rasti është nën hetime.