Pos listës së pjesëmarrësve në këtë edicion organizatorët kanë bërë të ditur se Promo Skena këtë edicion do të jetë më ndryshe

Festivali i muzikës dhe i aktivizmit NGOMFest ka bërw shpalljen përfundimtare të programit muzikor për këtë edicion ku artistët që do të jenë pjesë e këtij edicioni janë në këtë përbërje.

Me datë 31 Korrik në skenën e Marashit do të performojnë: P.I.N.T (MC Kresha, Lyrical Son, Bimm Bimma, Ergen, DJ DRIT’On ) dhe Dj Drill.
Me datë 1 Gusht në skenën e SH.K.A do të performojnë: Por-No, The Stomping Academy, Cute Babulja, ndërsa në skenën e Marashit do të performojnë Me t’njofshëm, Relative, Kultur Shock, Angry Youth.
Me datë 2 Gusht në skenën e SH.K.A do të performojnë: Jane Janex, Via Tirana, Bicalko, dhe në skenën e Marashit do të performojnë MENdar b2b Wiggi, Uran B, Henry Saiz, Toton/Dardan.
Me datë 3 Gusht në skenën e SH.K.A do të performojnë: Yrnol, Sakrayaami, Younion, Shportolozi, Dagg, Mdosse.

“Promo Skena këtë edicion do të jetë më ndryshe. Sivjet përveç bendeve muzikore po i japim hapësirë edhe DJ’ve të ndryshëm që të shpalosin talentin e tyre. Promo do të shtrihet në 4 Skena: Bendet muzikore do të performojnë në skenën e SH.K.A (Kino Bahqe), ndërsa DJ e zhanreve tech-house, techno, drum&bass, dubstep, progressive dhe hip-hop do të performojnë përgjatë rrugës “Marin Barleti” (Bar Pasha,Qarshia&BarAca, Casbah)”, është thënë në komunikatën e organizatorëve.
Sa i përket çmimit të biletave, për këtë edicion të festivalit ato do të jenë: Skena “SH.K.A (Kino Bahqe)” 2euro, skena “Marashi” 4euro, ndërsa bileta për tërë festivalin do të jetë 10 euro./KultPlus.com