Nënkryetari i Komunës së Lipjanit, Diamant Bytyqi sot ka nënshkruar memorandum bashkëpunimi me Fondacionin për Zhvillim të Qëndrueshëm Ekonomik – PREDA Plus, për implementimin e projektit “Stabilizimi i mëtejm i komuniteteve pakicë dhe shumicë në Kosovë përmes mbështetjes së shtuar socio – ekonomik”.

Qëllimi i këtij Memorandum është që të sigurojë një kornizë bashkëpunimi ndërmjet palëve për zbatim sa më të suksesshëm të projektit, në kuadër të të cilit mbështetet themelimi i bizneseve fillestare, konkretisht përkrahja e 7 grave nga Lipjani me qëllim të fuqizimit të tyre përmes krijimit të bizneseve individuale.