Në Lipjan u nënshkrua marrëveshja e bashkëpunimit për financimin e rrugës që lidhë Lipjanin me Gjilanin saktësisht (Sllovi-Gjilan) kjo marrëveshje u nënshkrua ndërmjet Kryetarit Komunës së Lipjanit, Imri Ahmeti, Kryetarit të Gjilanit Lutfi Haziri dhe Ministrit të Infrastrukturës Lutfi Zarku, transmeton LipjaniNews.com.

Kajo marrëveshje bashkëpunimi është bërë për financimin e projektit të asfaltimit të rrugës Sllovi- Gjilan, në gjatësi mbi 8 km dhe i cili kap vlerën rreth 1 milion euro.
Me këtë rast, Kryetari Ahmeti, së bashku me Ministri Zharku dhe Kryetarin Haziri këtë projekt të përbashkët e kanë cilësuar si shumë të rëndësishëm për Komunën e Lipjanit dhe të Gjilanit.
Ministri i Infrastrukturës Lutfi Zharku, ka theksuar se Ministria e Infrastrukturës do e mbeshtet iniciativën e Kryetarit Ahmeti dhe Kryetarit Haziri dhe se në vitin 2017 do të fillojmë me realizimin e këtij projekti madhor.
Ndërsa, Kryetari i Gjilanit Lutfi Haziri, është shprehur i lumtur që kjo rrugë shumë e rendësishme po e merr mbështetjen e Ministrit Zharku, rrugë e cila lidhë Malësinë e Zhegovcit me Sllovinë e Lipjanit e që është edhe koridori kryesor juglindjes së Kosovës, e cila përveç banorëve të Gjilanit do të shfrytëzohet edhe nga banorët e Kamenicës e pse jo edhe Bujanovcin për me komuniku me lehtë me Lipjanin dhe Prishtinën, rrugë e cila krijon lehtësira në shpenzimin e kohës dhe shpenzimeve tjera, njofotn Komuna e Lipjanit. Kryetari Ahmeti, ka falenderuar Ministrin Zharku dhe Kryetarin Haziri që gjenden me një ide të përbashkët në Lipjan, ide që krijon një mundësi të re të komunikimit në mes Komunës së Lipjanit dhe Komunës së Gjilanit përmes Sllovisë që lidhet me Malësinë e Zhegovcit. E rëndësishme është që ky projekt jetik për banorët e këtyre dy komunave sot ka marrë mbështetjen e Qeverisë së Kosovës nëpërmjet Ministrit Zharku, që të filloj së realizuari në vitin e ardhshëm.