Pamjet e tmerrshme të një 15-vjeçare duke hedhur në shportën e mbeturinave foshnjën e saj të porsalindur, janë publikuar në internet.

Kamerat e sigurisë kanë kapur momentin kur një adoleshente e veshur me bluzë të verdhë dhe xhinse, mbanë në duar një kuti të kartonit, dhe një qante të kuqe dhe dy qese të najlonit, transmeton Telegrafi.

Në videon e publikuar shihet se si kjo adoleshente del nga ashensori dhe drejtohet kah shporta e mbeturinave. Por disa minuta më vonë, pastruesja gjen foshnjën e mbuluar në gjak e cila e kishte trupin shumë të ftohtë, por që mrekullisht ende po merrte frymë edhe pse ishte futur në një qese najloni.

Pastruesja ka deklaruar për Southern Metropolis Daily, se në fillim kishte menduar që foshnja brenda qeses e hedhur në shportën e mbeturinave ishte një kukull.

“Mendova se ishte kukull, kur pashë këmbën e foshnjës. Por kur e shikova për herë të dytë, e kuptova se foshnja ishte e gjallë edhe pse e mbuluar në gjak”, ka shtuar pastruesja.

Sipas raportit të policisë, foshnja peshonte 2 kilogramë e 700 gramë, dhe kishte një prerje nën syrin e majtë, kurse temperaturat e trupit ishte shumë e ulët.