Pas lirimit të nënkolonelit të Policisë, Nehat Thaqit, Policia e Kosovës, përmes një njoftimi ka bërë të ditur se Thaqi, do të kthehet sërish në pozitën që ka qenë.

Sipas tyre, arrestimi nga autoritetet serbe nuk do të ndikojnë në profesionalizmin e tij e as punën e tij.

Gjeni komunikatën nga policia:

Me qëllim të informimit të drejtë të opinionit pas lirimit të nënkolonel Nehat Thaçi ju njoftojmë se nënkolonel Nehat Thaçi do të vazhdojë punët dhe detyrat në kuadër të Policisë së Kosovës, duke qenë i përkushtuar dhe profesional në përmbushjen e të gjitha objektivave në të mirë të rendit, ligjit dhe sigurisë publike.

Në asnjë rast arrestimi i tij nga ana e autoriteteve serbe nuk do të ndikojë në motivimin, profesionalizmin dhe përkushtimin e tij për t’iu shërbyer të gjithë qytetarëve të vendit pa dallim, duke përfshirë edhe komunitetin serb