Në kuadër të fushatës #OurEurope2017, në Shkup do të organizohet diskutim me temë ”Evropa nën trysni: Ngushtimi i hapësirës qytetare dhe si t’u kthehet e njëjta qytetarëve”, përcjell Telegrafi Maqedoni.

Panelistë do të tentojnë të argumentojnë tezat e tyre në lidhje me rëndësinë e shoqërisë qytetare dhe hapësirës qytetare në demokractë, posaçërisht në aspekt të trysnive ndaj ngushtimit të hapësirës për veprim të organizatave qytetare.

Në lidhje me temën do të flitet edhe nga këndvështrimi i përvojës evropiane, ndërkaq folësit do t’u adresohen edhe propozimeve dhe praktikave pozitive. Aktiviteti do të mbahet më 25 shkurt në ora 12:00.

Organizatorë janë Shoqata e federalistëve të rinj evropian – Maqedonia, Fondacioni Friedrich Ebert-Stiftung dhe Federalistët e rinj evropian – Evropa.