Në Qendrën e Numërimit dhe Rezultateve janë 280 kuti të votimit që i janë nënshtruar procesit të rinumërimit pas zgjedhjeve të 11 qershorit.
Tash nga QNR-ja kanë konfirmuar se është duke u bërë rinumërimi i dy kutive të fundit, njofton Klan Kosova.
Komisioni Qendror i Zgjedhjeve është duke mbajtur një mbledhje rreth zgjedhjeve të 22 tetorit – komunale, por që ka raportuar edhe një prej zyrtarëve nga qendra e numërimit.
“Edhe dy kutitë e fundit po numërohen dhe ato do të kryhen brenda ndërrimit”, ka thënë zyrtari nga QNR-ja.
“Ky është informacioni i fundit nga qendra e rinumërimit”, ka shtuar ai.
Është thënë po ashtu se pas kryerjes së rinumërimit të këtyre kutive, do të mundë të fillohet me numërimin e votave me kusht dhe ato me postë.
Bëhet fjalë për 25 mijë e 386 vota me kusht dhe pesë mijë e 246 vota me postë nga zgjedhjet e fundit.


