KBI – Lipjan ka njoftuar se në prag të Ramazanit ndihmohen edhe 100 familje skamnore

“Ky gjest i mrekullueshëm u mundësua nga kompania Moni Bau – Solidaritet dhe humanizëm në veprim. Në një kohë kur mbështetja dhe solidariteti janë më të rëndësishëm se kurrë, kompania Moni Bau nga Prizreni ka treguar edhe një herë se vlerat e humanizmit dhe ndihmës ndaj atyre që kanë nevojë janë pjesë e misionit të saj. Me një zemër të madhe dhe një përkushtim të jashtëzakonshëm, kjo kompani ka shpërndarë 100 pako ushqimore, me dhjetëra artikuj esencialë, për familjet skamnore në komunën e Lipjanit”, ka njoftuar KBI-Lipjan.

Ky akt i bamirësisë është realizuar me ndihmën dhe koordinimin e imamit Abdullah Bahtiri, në bashkëpunim me kordinatorin e Shoqatës “Bereqeti”Skender Mehmeti, duke siguruar që ndihma të arrijë tek ata që kanë më së shumti nevojë. Falë këtij angazhimi, shumë familje kanë marrë mbështetje dhe kanë ndier ngrohtësinë e dorës së shtrirë të mirësisë, shkruan KBI-Lipjan

“Moni Bau na dëshmon se biznesi nuk është vetëm përfitim, por edhe përgjegjësi dhe kontribut për komunitetin. Le të shërbejë ky shembull si frymëzim për të gjithë ne që, me keto lloj ndihma, mund të bëjmë një ndryshim të madh në jetët e të tjerëve. Shpërndarja e pakove u bë në bashkëpunim me Qendrën për punë sociale, dhe familjet e regjistruara tek Shoqata jonë”, thuhet në njoftim

“Respekt dhe falënderim të madh për Moni Bau! Qofshi gjithmonë shembull i humanizmit dhe bujarisë” ka njoftuar.