Duke parë ndotjen e madhe të ajrit dhe problemet e mëdha me transportin publik në Paris, një kompani e inovacionit ka një zgjidhje që përfshin lumin e Senës.

Fluska, siç quhet kjo “taksia fluturuese”, është e mbështetur në energjin elektrike dhe pluskon mbi ujë me “krahët e saj” – si dhe ka kredenciale të tjera të gjelbërta pasi që nuk bën zhurmë dhe nuk krijon ndotje të ajrit. Kushton rreth 200 mijë euro që të ndërtohet dhe mund të arrijë shpejtësi deri në 18 nyje(30 km/h). udhëtimet testuese në Paris janë të limituara në një shpejtësi maksimale deri në (27km/h).

Shërbimi mund të lansohet shumë shpejt madje pritet që të jetë në pranverë të vitit tjetër, sipas një konference të shtypit nga zyra e kryebashkiakut të APrisit. Kompania inovatore Seabubbles është lansuar si fazë testuese mbi lumin Sena në një test katër-ditorë.

Gjithsesi, kompania thotë që udhëtimi nuk ka qenë i lehtë. Gjatë një testimi të hënë në mëngjes para se të lëshoheshin testet zyrtare, policia gjatë lumit në Paris urdhëroi Fluskën që të ndalte aktivitetet e saja.

“Po presim për një autorizim që të kemi një linjë komerciale mes lindjes dhe perëndimit… por shikoni edhe vtë, nuk është askush përmbi lum”, tha bashkthemeluesi Alain Thebault duke shtuar se Franca po bëhet si një muze ku inovacionet teknologjike janë pengohen nga shumë rregullacione.

Parisi ka një ndër rrjetet e transportit urban më të dendura në botë, me më shumë se 650 trena që ecin në kohë të njejtë. Janë diku mbi 4.7 miliardë udhëtime që janë bërë nga udhëtimet e transportit publik në rajonin e Parisit në vitin 2016.  /Gazeta Express/