Nënkryetari i Komunës së Lipjanit, z. Diamant Bytyqi, i shoqëruar me bashkëpunëtorët, kanë bërë homazhe dhe ka vendosur buqeta me lule pranë shtatores së Heroit të Kombit, Arsim Zeqiri, në fshatin Hallaq i Madh, me rastin e 26-vjetorit të rënies së tij, njofton Komuna Lipjanit.
Nënkryetari Bytyqi theksoi se Lipjani është krenar për heroin Arsim Zeqiri, i cili, edhe pse i ri, iu bashkua UҪK-së për të mbrojtur vendin dhe popullin e tij, në momentet kyçe, ai tregoi guxim dhe përkushtim të jashtëzakonshëm, duke dhënë jetën e tij për lirinë e Kosovës.
