“Sot jemi bashkë për të nderuar e do nderojmë përjetësisht gjithë dëshmorët e Ushtrisë Çlirimtare të Kosovës, por sot e përherë ne i nderojmë duke punuar e zhvilluar vendin tonë, synime e amanete të gjakut të dëshmorëve e të gjithë brezave për liri e mëvetësi të trojeve tona. Nderi më i madh i′u bëhet sot dëshmorëve duke punuar drejt, duke vlerësuar të mirën nga e keqja, duke vlerësuar progresin për të punuar më tutje për ta ndërtuar një vend mikpritës të qëndrueshëm dhe shumë motivues për të jetuar dhe punuar me nderë.
Kreu i Lipjanit, po ashtu ka thënë se të gjithë ne që sot e gëzojmë lirinë, shtetësinë tonë vlerësojmë, kujtojmë, nderojmë, të kaluarën, sakrificën, luftën heroike të djemve e vashave dëshmore të kombit por përherë të na mbaj ndërgjegjja për idealet e dëshmorëve.

“Ne duhet të jemi të përgjegjshëm karshi gjakut dhe djersës të gjeneratave të tëra, të cilat luftuan për liri, pavarësi dhe demokraci. Shteti ka rregullat e veta, ato rregulla janë themeli i shtetit tonë, njofton Komuna.

Ne duhet t′a duam shtetin tonë, duhet t’i qëndrojmë besnik shtetit tonë. Bashkë t’i kundërvihemi të keqes. Të forcojmë të mirën”, ka thënë ndër të tjera Kryetari Ahmeti.
Akademia është përmbyllur me program të pasur kulturor e artistik, kushtuar dëshmorëve.

Po ashtu, Kryetari i Komunës së Lipjanit Imri Ahmeti i shoqëruar me bashkëpunëtor, gjatë ditës së sotme kanë nderuar duke bërë homazhe pranë shtatores së Komandantit Legjendar Adem Jashari , në sheshin e qytetit të Lipjanit si dhe pranë shtatores së Heroit të Kombit Ismet Asllani në parkun e qytetit.