Ndalesa e udhëtimit në SHBA: Shtëpia e Bardhë i publikon kriteret për aplikim për vizë

PUBLIKUAR

Shtëpia e Bardhë i ka bërë publike kriteret e reja për aplikim për viza që vlejnë për qytetarët e gjashtë vendeve me shumicë myslimane dhe për të gjithë refugjatët. Atyre u kërkohet që të kenë lidhje të ngushta familjare ose biznesore në SHBA, ndryshe nuk u lejohet hyrja në Amerikë.

Rregullat, që i prekin njerëzit nga Irani, Libia, Somalia, Sudani dhe Jemeni, futen sot në fuqi, transmeton Express.

Ato janë publikuar pasi Gjykata Supreme e rikthejë në fuqi pjesërisht urdhrin ekzekutiv të presidentit Donald Trump për ndalesën e udhëtimit në SHBA.

Sipas rregullave të reja, që i janë konfirmuar BBC-së, për 90 ditët e ardhshme personat që nuk kanë lidhje të ngushta, të përshkruara si prindërore, çifte bashkëshortore, fëmijë, bir apo nuse, vëlla ose motër, nuk do të jenë në gjendje të hyjnë në SHBA.

Definicioni i lidhjeve të ngushta nuk i përfshinë gjyshërit, hallat, xhaxhallarët, mbesat, nipërit, apo familjar të largët.

Të përjashtuar nga rregullat e reja janë edhe ata me lidhje biznesore apo arsimore me Shtetet e Bashkuara.

Por, rregullat theksojnë në mënyrë specifike se lidhjet duhet patjetër të jenë formale dhe të dokumentuara.

Personat që tashmë kanë viza të vlefshme nuk preken nga rregullat e reja.

SHIKO MË SHUMË

Erëra të forta dhe reshje shiu, ky do të jetë moti sot në Kosovë

Instituti Hidrometeorologjik i Kosovës (IHMK) ka paralajmëruar se dita e sotme, e enjte, do...

‘‘UÇK, UÇK’’, thirrjet e qytetarëve teksa Jakup Krasniqi largohet nga shtëpia pas vizitës në Kosovë

Jakup Krasniqi ka përfunduar vizitën e tij që e zhvilloi sot në Kosovë. Krasniqi qëndroi...

Presidentja reagon pas aktgjykimit të Speciales, ngrit shqetësime për respektimin e të drejtave të palëve

Presidentja Justina Shiroka-Pula ka regauar pas shpalljesa së aktgjykimit e sotëm në Dhomat e...