Kryeministri i Kosovës, Isa Mustafa, përshëndeti për vendimin e minatorëve të Kombinatit “Trepça” për pezullimin e grevës.

“Kryeministri dhe Qeveria shprehin përkushtimin dhe sigurojnë minatorët dhe të gjithë qytetarët e Kosovës se janë duke ndërmarrë të gjitha veprimet e nevojshme ligjore që sigurojnë punë normale të Trepçës në këtë periudhë dhe të ofrojnë zgjidhje afatgjate në të mirë të zhvillimit ekonomik të vendit, në interes të minatorëve dhe të qytetarëve të Republikës së Kosovës”, thuhet në kumtesën e Qeverisë.

“Kryeministri Mustafa po ashtu thekson përkushtimin e Qeverisë së Kosovës për të kërkuar përgjegjësi nga të gjithë akterët, që t’i kryejnë obligimet e tyre me kohë dhe të krijojnë kushte që Trepça të aktivizohet me të gjitha potencialet e saj, si një nga resurset më të çmueshme të këtij vendi”, thuhet në kumtesë. /Telegrafi/