Kyra Dew që vuante nga dhimbje të mëdha barku, është detyruar të shtrihet në dyshemenë e spitalit në Hereford të Anglisë, pasi mungonin shtretërit.

Pasi iu dha ndihma e parë, 22-vjeçarja fjeti duke shfrytëzuar xhaketën e saj si jastëk, ndërsa i kishin dhënë një batanije, transmeton Telegrafi.

Zyrtarët e spitalit kanë kërkuar falje për rastin, ndërsa kërkuan nga autoritetet të ndihmojnë në mënyrë që pacientët të kenë akomodim sa më të mirë.

Dew e shtrirë në dysheme

“Ka vetëm dhjetë ditë që është operuar, gjendja saj vetëm mund të përkeqësohej”, ka thënë nëna e Dew, e cila vuan nga endometrioza, por gjendja saj është nën kontroll.