Maliqi në profilin e tij në facebook shkroi se sot ka pranuar dy padi kundërvajtjeje, dje 10, ndërsa gjatë disa muajve të fundit mbi 100 padi për shkak të hedhjes së ngjyrës mbi institucionet shtetërore gjatë protestave të “Revolucionit të Larmë”, raporton TV21 e Shkupit.

Avokati i Maliqit, Zvonko Davidoviq ka thënë se MPB nuk e respekton procedurën dhe se paditë kundër Maliqit dhe të tjerëve të Revolucionit të Larmë janë të pabaza, sepse vepra për të cilën ngarkohen nuk është konstatuar në vendngjarje dhe protestat s’kanë qenë të dhunshme. Kundër pjesëmarrësve në Revolucionin e Larmë janë ngritur rreth 5.000 padi penale, ndërsa dënimet për ata që janë paditur janë 500 euro, ka njoftuar avokati./Gazeta Express/