Gjykata Supreme e Maqedonisë ka vendosur që për katër nga gjashtë të akuzuarit për rastin Monstra të ndërpritet masa e paraburgimit. Të njëjtit do të mbrohen në liri me obligimin që një herë në javë të paraqiten në Gjykatën Penale Shkupi 1.

Jozyrtarisht Alsat mëson se lirimi i tyre nga burgu ku vuajnë dënimin prej pesë vitesh, do të bëhet të hënën. Supremja kohë më parë vendosi që rasti Monstra të kthehet në Gjykatën Themelore, gjegjësisht të ketë një rigjykim, transmeton Klan Kosova.