Ky është momenti rrëqethës, kur një anije gjigante për pak sa nuk përmbyset nga erërat e forta dhe dallgët e mëdha.

Kamerat amatore kanë filmuar momentin, kur anija po lëkundej anash e kontrolluar nga erërat dhe dallgët në një port në Afrikën e Jugut, transmeton Telegrafi.

Pamjet rrëqethëse shfaqin momentin kur anija lëkundet deri në 20 gradë, duke u dukur se ajo është shumë pranë përmbysjes.

Për fat të mirë anija e zbrazët ka zbarkuar në port pa ndonjë problem, dhe nuk raportohet për ndonjë të lënduar.

Por në momentin që kjo video është postuar në internet, ajo është shikuar nga qindra mijëra njerëz të cilët mbetën të habitur me atë që po shihnin. /Telegrafi/