Mobilizimi ushtarak, Rusia thotë se 10 mijë persona janë paraqitur vullnetarë për të luftuar në Ukrainë

PUBLIKUAR

Ushtria ruse tha më 22 shtator se të paktën 10.000 persona kanë dalë vullnetarë për të luftuar në Ukrainë, rreth 24 orë pasi presidenti rus, Vladimir Putin, urdhëroi mobilizimin e rezervistëve.

“Gjatë ditës së parë të mobilizimit të pjesshëm, afër 10.000 qytetarë kanë arritur në qendrat e rekrutimit, me vullnet të lirë, pa pritur që të thirreshin”, tha për Interfax zëdhënësi i ushtrisë ruse, Vladimir Tsimlyansky.

Ai shtoi se ushtria ka krijuar qendra të thirrjes për t’iu përgjigjur pyetjeve të qytetarëve dhe organizatave lidhur me mobilizimin.

Më 21 shtator njoftoi për shpalljen e “mobilizimit të pjesshëm” të rezervistëve. Më pas, ministri i Mbrojtjes së Rusisë, Sergei Shoigu tha se do të thirren 300.000 rezervistë për luftën në Ukrainë.

Pas njoftimit të Putinit, mbi 1.300 persona u arrestuan në mbarë Rusinë të mërkurën, gjatë protestave kundër mobilizimit.

Rusia ka nisur pushtimin e paprovokuar të Ukrainës më 24 shkurt. Putin, i cili pushtimin e quan “operacion të posaçëm ushtarak”, më 21 shtator përsëriti qëndrimin se synimi i tij është “çlirimi” i rajonit lindor ukrainas të Donbasit.

Shpallja e mobilizimit erdhi një ditë pasi separatistët në katër rajonet e kontrolluara nga forcat ruse në Ukrainë – Donjeck, Luhansk, Herson dhe Zaporizhja – njoftuan për planet për mbajtjen e të ashtuquajturave referendume për bashkim me Rusinë.

Votimet në të ashtuquajturat referendume do të nisin më 23 shtator dhe do të zgjasin deri më 27 shtator. Kievi dhe Perëndimi i dënuar planet për këto votime, ndërkaq shpalljen e mobilizimit e kanë cilësuar si përshkallëzim të luftës në Ukrainë, që pothuajse ka hyrë në muajin e tetë./REL

LAJME TË TJERA

Në Komisionin Ekzekutiv për Shëndetësi, eksperti gjerman prezantoi studimin për ShSKUK-në

Në mbledhjen e Komisionit Ekzekutiv për Shëndetësi, kryeministri Albin Kurti, i cili kryeson këtë...

Aksident në Pejë, të përfshira dy vetura dhe një autobus – ka të lënduar

Dy persona kanë mbetur të lënduar si pasojë e një aksidenti trafiku që ka...

I riu nga Gjakova ka nevojë për ndihmën tuaj, duhet ta bëjë transplantimin e dy veshkave

Adnan Syla nga Gjakova është diagnostikuar me sëmundjen e veshkave. Atij i duhet ta bëjë...

Kurti fton shqiptarët në Serbi t’i përgjigjen regjistrimit të popullsisë: Dëshmoni që jeni aty

Kryeministri i Kosovës, Albin Kurti, u ka bërë thirrje shqiptarëve që jetojnë në Serbi...

SHIKO MË SHUMË

Zelensky: Nëse Putini ndalet, Rusia kursehet nga pasoja më të mëdha

Presidenti ukrainas Volodymir Zelensky argumentoi sonte se Rusia mund të shmangë pasojat më të...

Tërmet i fuqishëm në Itali, kjo është magnituda

Një tërmet me magnitudë 4.4 ballë me thellësi 10 kilometra është regjistruar pak më...

Çfarë do të thotë mobilizimi ushtarak i Rusisë, a po kërcënon Putin me luftë bërthamore?

Presidenti rus Vladimir Putin ka urdhëruar një mobilizim të pjesshëm për të përforcuar trupat...