Kohë më parë, prodhuesi japonez i makinave ka bërë të ditur se do ta sjellë një makinë, e cila është larguar nga prodhimi.

Pa dhënë detaje shtesë, është bërë e ditur se do të jetë një veturë e kombinuar mes modelit Eclipse dhe Spider, transmeton Telegrafi.

Nuk është bërë e ditur se çfarë do të merr nga njëra apo tjera veturë, por dihet se do të quhet Eclipse Cross dhe do të jetë coupe.

Eclipse që është prodhuar nga viti 1989 deri më 2012, ka qenë një veturë shumë e kërkuar në treg, por me zhvillimin e modeleve më të gjëra dhe të shpejta, është hequr nga tregu. Njëjtë ka ndodhur edhe më Spyder për të cilën kanë rënë kërkesat, pasi mjetet SUV kanë nisur të jenë më të lira dhe të përballueshme për konsumatorë.

Në fotografitë e postuara më poshtë, mund të shihni disa nga modelet e mëparshme, prej së cilave do të krijohet një i ri. /Telegrafi/