Ministri iranian i Drejtësisë, Mostafa Pourmohammadi, është duke kërkuar një ndëshkim efektiv për kriminelët, në vend të ekzekutimit, raportojnë mediat lokale.
Ai ka thënë se mendon se numri i krimeve kapitale duhet të rishikohet, raporton agjencia e lajmeve “Tasnim”, transmeton Express.
“Në fakt, duam të gjejmë ndëshkimin më efektive, në mënyrë që të jemi në gjendje ta konsiderojmë zëvendësimin e ekzekutimit,” ka thënë ai.
Ai ka shtuar se dënimi me vdekje duhet të mbahet për njerëz të korruptuar.
“Natyrisht që mbajtja në fuqi e dënimit me vdekje si ndëshkim është ende në agjendë, por jo edhe për numrin që zbatohet sot,” ka shtuar ai.
Shifrat e Amnesty International, të publikuara në muajin prill, treguan se Irani, Pakistani dhe Arabia Saudite janë përgjegjëse për 89% të ekzekutimeve gjyqësore në botë./Express/
