Milan është duke synuar të rrëmbej yllin e skuadrës së Toulouse, Janis Antiste.

18-vjeçari tashmë ka shënuar gjashtë gola në 15 ndeshje dhe kuqezinjtë janë duke tentuar ta sjellin në San Siro qendërsulmuesin francez, raporton Gazeta Express.

Gazeta italiane “Tuttosport” raporton se Milan po kërkon një sulmues të ri, për shkak të dëmtimeve të ndryshme të Zlatan Ibrahimovic dhe Antiste është një nga emrat e mundshëm.

Paolo Maldini dhe Frederic Massara po vlerësojnë të gjitha mundësitë për afatin kalimtar të janarit duke tentuar të përforcojnë sulmin.

Antiste u promovua në ekipin e parë në Toulouse përpara fillimit të sezonit dhe ka një kontratë deri në qershor të vitit 2022./Gazeta Express/