Adnan Merovci, sekretar i zyrës së ish-presidentit Ibrahim Rugova ka publikuar librin ‘Pengu’. I ftuar në emisionin Presing në T7 ka rrëfyer për momente të ndryshme me presidentin historik.

Merovci u është përgjigjur edhe kritikuesve të cilët thonë se ai po tenton ‘të përvetësojë’ figurën e ish-presidentit të Kosovës.

“Mos e ofendoni Rugovën, ai është i papërvetësueshëm”, tha ai.

“Protagonisti është Ibrahim Rugova, por protagonizmi im nuk mungon. Unë pe zbardhi historinë, nuk po e përvetësoj”, tha Merovci.

Ai thotë se askush nga anëtarët e LDK’së nuk e kanë ftuar për ta pyetur rreth raporteve të tij me Rugovën.

Sipas tij, librat e tij për Rugovën i ka promovuar edhe në komunat ku udhëhiqte LDK’ja por, se nuk iu lejua një gjë e tillë.

Ndërkohë ai ka treguar edhe për largimin e tij nga Rugova.

“Unë e kreva një mision tim’, tha Merovci.