Duket se Mercedes-Benz është gati të lansojë kupenë e vet ultra-luksoze, që ka një gjatësi më të madhe se çdo model i prodhuar ndonjëherë.

Prodhuesi i veturave ka postuar në llogarinë në Twitter një fotografi, ku shihet silueta e kuqe e makinës, ndërsa në sfond është prapavija e zezë, transmeton Telegrafi.

“Gati gjashtë metra të formës më të lartë të luksit”, thuhet në postimin e bërë në rrjetin social, ku nuk jepet asnjë detaj tjetër.

Njohësit e makinave thonë se kjo veturë do të jetë një kërcënim direkt për Rolls Royse dhe Bentely, që deri më tani kanë kupetë me të cilat mund të krenohen.

Por, kompania gjermane nuk ia ka dalë deri më tani që të ketë një model me dy dyer, i cili është i nivelit të atyre që janë në treg. Duke marrë parasysh kualitetin dhe fortësinë që kanë veturat nga Mercedes, mendohet se kjo kupe gjigante do të jetë V12.