Për një kohë të gjatë Mercedes-Benz është duke punuar në një brend të veturave, të cilat do të lëvizin me energji elektrike.

Kohë pas kohe, janë bërë të ditura detajet për këto makina, por asnjëherë nuk është përmendur emri, transmeton Telegrafi.

AutoExpress, sipas burimeve të afërta me prodhuesin gjerman, ka zbuluar se brendi i këtyre veturave do të quhet MEQ.

Pa e përmendur asnjëherë Mercedes-Bens, shkurtesa EQ do të nënkuptojë se bëhet fjalë për automobilat elektrikë nga kjo kompani.

Me publikimin e modeleve të reja, prefiksit EQ do t’i shtohen shkronja të tjera, si: EQA, EQB apo EQC. Varësisht nga nevoja, do të përdoren shprehjet si motori EQ, enterieri EQ apo edhe gjenerata MEQ.

Këto sugjerime mbesin në faza të thashethemeve, meqë asgjë nuk është konfirmuar se si do të emërohen këto makina.