Mediat turke kanë publikuar një “selfie” me video të personit që thonë se është autori i sulmit në klubin e natës në Stamboll, ku vranë 39 njerëz, transmeton Reuters.
Transmetimi i kësaj video në televizionet turke të martën e tregon personin e dyshuar të sulmit që e filmon vetën në sheshin Taksim. Nuk është e qartë ende nëse kjo video është filmuar para apo pas sulmit të natës së Vitit të Ri, në klubin e natës, Reina.
Grupi militant, Shteti Islamik e ka marrë përsipër sulmin, ndërsa autori i dyshuar i sulmit që është ende në arrati, ende nuk është identifikuar.
Disa raportime mediale thonë se personi besohet se vjen nga një prej vendeve të Azisë Qendrore.
Gazeta “Haber” shkruan se personi me gjasë është pjesë e minoritetit mysliman ujgur të Kinës, raporton Rel.
Ai besohet të ketë shkruar në qytetin Konya të Turqisë së bashku me bashkëshorten dhe dy fëmijët e tyre. Familja e tij është arrestuar nga policia turke.
