Futet në listën e veturave më të kërkuara urbane dhe është e mundur të vozitet pa pasur nevojë për patentë shoferë, e me vetëm 40 cent (shpenzim në energji elektrike për mbushje të baterisë) mund të përshkohen 100 kilometra.

Vetura më e vogël nga Citroen, Ami – është një mrekulli në vete. Me përmasa 2.4 x 1.39 m, në shikim të parë nuk duket edhe aq bindëse, por është e dedikuar si një veturë urbane, transmeton Telegrafi.

I dizajnuar për të mos zënë hapësirë në rrugët e ngushta të qyteteve, kjo veturë është pothuajse e tëra e punuar nga plastika, por shumë praktike.

Elektromotori prodhon 4.5 kW, kurse në kombinim me baterinë prej 5.5 kWh përshkon 70 kilometra duke lëvizur me shpejtësinë maksimale prej 45 kilometra në orë.

Ajo çfarë e bën shumë të kërkuar dhe tejet praktike është fakti që mbushet në prizë të zakonshme për më pak se tri orë, që do të thotë se për 40 cent mbushje të baterisë ajo mund të përshkojë 100 kilometra. /Telegrafi/