Rrugët që çojnë drejt Kuvendit edhe këtë mëngjes janë të mbyllura për komunikacion, ndërsa përreth ndërtesës vërehet prania e policëve, përcjell Telegrafi Maqedoni.

Këto masa sigurie janë si pasojë e dhunës që shpërtheu mbrëmjen e së enjtes, ku mbetën të lënduar mbi 100 persona, mes të cilëve edhe deputetë dhe përfaqësues të mediave.

Ajo që shkaktoi revoltë tek protestuesit ishte zgjedhja e kryetarit të ri të Kuvendit – Talat Xhaferi. Protestuesit për ditë me radhë kishin protestuar në rrugët e disa qyteteve në Maqedoni, duke kërkuar të refuzohet Deklarata e përbashkët e partive politike shqiptare.