Kuvendi Komunal i Lipjanit sot nën udhëheqjen e Kryesuesit Daut Azemi ka zhvilluar punimet e mbledhjes së pestë, mbledhje kjo në të cilën u aprovuan të gjitha pikat e rendit të ditës të cilat u propozuan për shqyrtim gjatë kësaj seance.

Fillimisht Kryetari Imri Ahmeti ka dhënë sqarime në të gjitha qeshjet e ngritura nga anëtarët e Kuvendit Komunal, njofton Komuna.

Gjatë kësaj seance është aprovuar, propozim vendim për rritjen e buxhetit të Komunës së Lipjanit nga tejkalimi i të hyrave vetanake për vitin 2021, propozim vendim për bartjen e të hyrave vetanake të Komunës së Lipjanit për vitet 2020 dhe 2021 në vitin 2022, propozim vendim, propozim vendim për aprovimin e rezervës komunale 2022, propozim vendim për hartimin e Planit Zhvillimor Komunal të Lipjanit, Propozim vendim për fillimin e procedurës për përmasimin dhe harmonizimin e mospërputhjeve të vlerave të veçanta teknike të caktuara në Hartën Zonale të Komunës, dhe propozim vendim për formimin e komisionit të ankesave.