Në sallën e Kuvendit Komunal të Lipjanit sot është mbajtur mbledhje komemorative me rastin e vdekjes së zyrtarit të Komunës së Lipjanit Dr. Bajram Zaskoku.

Në këtë rast, Kryetari Imri Ahmeti, i’u është drejtuar familjarëve dhe të pranishmëve të tjerë duke çmuar lartë veprën dhe kontributin e doktor Bajramit. Ai tha se vdekja e Bajramit është një humbje jo vetëm për familjen por edhe për kolegët, qytetarët dhe të gjithë ata që kanë pasur fatin ta njohin.”Paqim forcë e kurajo për ta përballuar këtë humbje. Ju kolegë dhe familjarë të jeni krenarë për jetën dhe veprën e Dr.Bajram Zaskokut. E përkujtofshim për jetë angazhimin e tij”, ka thënë ndër të tjera Kryetari Ahmeti.
Në emër të familjarëve të pranishmit i ka përshëndetur Namon Zaskoku.