Në sallën e Kuvendit Komunal sot është mbajtur mbledhja e radhës së Këshillit Komunal për Siguri në Bashkësi, e cila u drejtua nga nënkryetari i Komunës së Lipjanit Fauz Xhemajli, shkruan Komuna e Lipjanit.
Pas miratimit të rendit të ditës, përfaqësuesit e Policisë së Kosovës njoftuan rreth gjendjes së sigurisë në Komunën e Lipjanit, ku u theksua se siguria në vend është në nivel të kënaqshëm.
Në mes tjerash në këtë takim anëtarët e KKSB-së, kanë diskutuar për propozim Planin e Veprimit të KKSB-së për vitin 2019 si dhe shumë çështje të tjera në të mirë të qytetarëve lipjanas.
