Kryeministrja britanike, Theresa May po ndjehet mirënjohëse për marëdhënien e fortë dhe të thellë në mes Francës dhe Mbretërisë së Bashkuar.
Këto reagime të saj janë parë ndërsa është takuar me Presidentin e Francës, Emmanuel Macron, me rastin e vizitës së tij të parë në Britani.
Pas këtij takimi, Kryeministrja May, ka deklaruar se të dy liderët mbesin të përkushtuar ndaj marrëveshjeve kufitare ‘’Le Touquet’’ në Calais ndërsa bëhet e ditur se kanë rënë dakord për masa shtesë të sigurisë.
Kjo ujdi vie pasi Britania e Madhe ka njoftuar se shtesë prej 44.5 milion funte do të shpenzohen për forcimin e sigurisë së këtij kufiri.
May raportohet të ketë theksuar po ashtu se bashkëpunimi ishte jetësor për çështjet ekonomike, mbrojtjen dhe sigurinë.
44 milionë funte do të shpenzohen në teknologjinë e zbulimit, CCTV dhe infra të kuqe në Calais dhe pikat e tjera kufitare.
Britania gjithashtu pritet të angazhohet për të marrë më shumë emigrantë nga Calais, sidomos fëmijët e pashoqëruar, transmeton Kaln Kosova.
Samiti midis znj. May dhe z. Macron, në Akademinë Ushtarake Mbretërore Sandhurst në Berkshire, gjithashtu paraqiste takimin e parë të krerëve të pesë agjencive të inteligjencës të Britanisë dhe Francës dhe po ndiqen nga ministrat e qeverisë së Mbretërisë së Bashkuar dhe homologët e tyre francezë.
