Një tjetër shqiptare nga Kosova mësohet se është në mesin e të plagosurve nga masakra e Mynihut.
Ajo është 44 – vjeçarja Lumnije Azemi.
Siç raporton Klan Kosova, lajmi është bërë i ditur nga Ministria e Punëve të Jashtme të Kosovës.
Kjo e fundit është njoftuar zyrtarisht se tre prej të vrarëve në Mynih janë edhe kosovarët Armela Segashi, Dijamant Zabërgja, si dhe shqiptarja Sabina Sulaj e cila është në identifikim e sipër, ndërsa Lumnije Azemi është e plagosur.
9 persona humbën jetën dhe mbi 20 të tjerë u plagosën në sulmin me armë në qendën tregtare në Mynih. Autori, 18 – vjeçari gjermano – iranian Ali Sonboly, u vetëvra me një plumb në kokë.
