Prani e madhe e forcave speciale në shkollën fillore ‘Liria’ të Tetovës (Foto)

Ashtu siç u njoftua më herët nga burime të Telegrafit Maqedoni, në disa vendvotime, si në shkollën fillore ‘Naim Frashëri’ në Tetovë është kapur një qytetar duke e fotografuar votën, poashtu nga burime të njëjta njoftohet se në shkollën fillore ‘Liria’ ka prani të forcave speciale.

Policia ka ndërmarrë masa për ta sqaruar këto raste si dhe njoftohet prani e madhe e forcave policore për shkak të tensioneve në këto vendvotime. /Telegrafi/

Ja sa është përqindja e daljeve në votime nëpër qytete

Deri në orën 10 në qytetet e Maqedonisë, është regjistruar dalje relativisht e vogël, përcjell Telegrafi Maqedoni.

Në Strumicë është shënuar dalje e qytetarëve në votime rreth 11%, Bogdanci 11,8, Novo Sellë 8%, Bosilovë 7%, Dojran 11%, Gjevgjeli 7%.

Në Strugë kanë votuar 5,6%, në Kriva Pallankë 10% dhe në Veles kanë dalur 11% e qytetarëve./Telegrafi/

Dy persona në Koçani kanë ofruar 1 mijë denarë për një votë

Policia e Koçanit ka ngritur padi penale kundër S.M (28) dhe Z.B (50), nga fshati Tërkanje, për shkak të dyshimeve të veprës penale “shkelje e lirisë së përcaktimit të votuesve”, përcjell Telegrafi Maqedoni.

Njoftohet se të dytë në fillim të muajit dhjetor, nga disa familje kanë kërkuar që të votojnë për një parti politike, duke ju ofruar shumë parash prej 1000 denarë.

Policia njoftoi se pas kontrollit në makinat e S.M dhe Z.B, është gjetur emri dhe mbiemri i disa personave dhe një shumë e caktuar parash./Telegrafi/

CIVIL: Kërcënohet me vdekje njëri nga vëzhguesit!

Heshtja zgjedhore nuk respektohet, në ndërkohë është kryer presion ndaj vëzhguesve, këto janë disa nga vërejtjet, i cili sot ka njoftuar njeriu i parë i CIVIL, Xhabir Deralla, përcjell Telegrafi Maqedoni.

Vëzhguesit e OJQ-së CIVIL, siç tha Deralla, përballen me presione të ndryshme, kurse njëri nga vëzhguesit ka marrë kërcënime me vdekje nga një aktivist i një partie politike.

Deralla apelon deri te KSHZ të jep drejtime deri te anëtarët e Këshilli zgjedhor për arsyet që duhet të jepen në procesin zgjedhor. /Telegrafi/

Regjistrohen agjitime, fotografime dhe votime publike në disa komuna

Asociacioni MOST njofton se ka regjistruar parregullsi zgjedhore si agjitim, fotografim të fletëvotimit dhe votim publik.

Këto parregullsi janë regjistruar në komunën e Novo Sellës, pastaj në Shtip, Strugë, Gjorçe Petrov, Demir Hisar, Tearcë. Policia ka ndërmarrë masa ndaj këtyre rasteve.

Në Strumicë kapen pesë persona me kopje të listës zgjedhore

Mbrëmë në Strumicë janë kapur pesë persona, të cilët në makinat e tyre kanë pasur kopje të fletëvotimeve, si dhe fletore me emra dhe mbiemra të personave nga komuniteti rom dhe numrat e vendvotimeve, ku të njejtit persona duhet të votojnë, përcjell Telegrafi Maqedoni.

“Më 10.12.2016, pas kontrolleve në komunikacionin rrugorë, në rrugët “Lenoniva” dhe “24 Tetori” në Strumicë, rreth orës 14:30, nga ana e zyrtarëve policor, pas kontrolleve në makinën e tipit “Fiat”, e drejtuar nga B.G (52) nga Strumica, në hapësirat e bagazhit është gjetur kopje të listës zgjedhore, si dhe fletore me emër dhe mbiemër dhe numrin e amzës nga komuniteti rom”, njoftoi MPB.

Për shkak të dyshimeve se personi në fjalë, ka bërë veprën penale “keqpërdorim të të dhënave personale” dhe “blerje të votave” është njoftuar edhe Prokuroria Themelore e Strumicës./Telegrafi/