“Majtistët” kanë reaguar ndaj vendimit të qeverisë për shitje të euroobligacioneve, me një shumë maksimale prej 650 milionë euro, transmeton Telegrafi Maqedoni.

Ata shpjegojnë se vendimi është marrë në prag të një krizë të thellë politike, në prag të protestave të përsëritura kundër pushtetit kriminal dhe vonimin e procedimin e rasteve me indikacione të fuqishme të krimeve të rënda.

“Për këtë arsye, duke marrë parasysh jo transparencën aktuale, sjelljen kriminale dhe duke hedhur paratë publike, në mënyrë të vendosur e kundërshtojmë këtë borxh të madh të qytetarëve. Paralajmërojmë, kostoja e huamarrjes do të paguhet nga brezat e ardhshëm me kamatë të lartë. Nëse jepet Euroobligacion në vlerë prej 650 milionë euro, për 10 vjet, me një normë kamate kuponi prej 7%, vetëm kamata do të duhet të paguhet 455 milionë euro! Kjo duhet të parandalohet. Prandaj, sot, në mënyrë të qartë dhe me zë të lartë theksojmë se në qoftë se ne vijmë në pushtet, nuk do ta paguajmë këtë kamatë. Duke pasur parasysh këtë, ne i bëjmë thirrje bankave të huaja që mos t’i blejnë Euroobligacionet të cilat qeveria tashmë dëshiron t’i lëshojë. Së fundi, ne u bëjmë thirrje të gjithë qytetarëve të këtij vendi, të gjitha organizatat e shoqërisë civile dhe lëvizjet dhe të gjitha partive politike për të bërë të njëjtën gjë”, thuhet në deklaratën nga ‘Majtistët’.