Ditën e djeshme përmes një postimi në rrjetin social “Instagram”, Mozzik lajmëroi fansat se ka një surprizë për ta.

Ai zbuloi se në mesnatën e 9 korrikut do të publikojë një këngë të re, që do të mbajë titullin “Dashni me fotoshop”.

“Dashni me Fotoshop”, shkroi reperi krahas imazhit të shkëputur nga klipi i këngës, ku shfaqet përkrah disa vajzave.

Partnerja e Mozzikut, Loredana ka treguar se ka dëgjuar gjithë këngët që ka bërë  gati reperi dhe ka shkruar dy fjalë për të në rrjetin social “Instagram”.

“O Mozzik nalu me këto hite Kosovësss se lujta”, shkruan Loredana përkrah një postimi në Instagram.

Kujtojmë se para pak ditësh, Loredana dhe Mozzik, publikuan këngën e tyre të parë pas ribashkimit. Kënga me titull “Rosenkrieg” tregon gjithë historinë e tyre pas ndarjes dhe videoklipi i dy artistëve flet shumë.

“Çdo gjë ndodhi sepse ne ishim shumë të dashuruar. Tani të gjithë po jetojnë me luftën tonë të trëndafilave. Shumë ndjenja u kthyen në politikë”, shprehen dyshja në këngë.