Hawai po përballet prej dy javësh me katastrofën natyrore më të rëndë të 5 dekadave të fundit, pas shpërthimit të vullkanit Kilauea, ishullit më të madh të saj.

Lumenjtë e llavës që dalin nga vullkani Kilauea në Hauai janë shtuar dhe shpejtuar ditët e fundit duke kërcënuar më shumë shtëpi, ndërsa autoritet po bëhen gati të urdhërojnë me mijëra evakuime të tjera.

Banorët janë paralajmëruan që të mbajnë çantat gati që t’ia mbathin sapo të vijë urdhri i parë. Me dhjetëra shtëpi janë djegur qëkur vullkani shpërtheu në fillim të majit, ndërsa me qindra njerëz kanë braktisur shtëpitë e tyre.

Autoritetet thonë se fluksi i shtuar i llavës po kërcënon rrezikshëm mbylljen e autostradave kryesore, diçka që do të linte me mijëra njerëz pa rrugë evakuimi, prandaj ky i fundit po konsiderohet seriozisht.

Veç llavës përcëlluese dhe hirit vullkanik, autoritetet paralajmëruan banorët edhe për rrezikun e gazrave toksike që krijohen kur llava e nxehtë takohet me ujin e ftohtë të oqeanit dhe që tani kanë nisur të shpërndajnë maska për frymëmarrjen në popullsi.

Frika mes njerëzve është shtuar pasi u raportuar për të plagosurin e parë nga llava, pasi deri tani askush nuk ishte lënduar nga vullkani.

Shkencëtarët nuk mund të parashikojnë nëse llava do të ndalet apo jo, prandaj kanë këshilluar banorët që të jenë në gjendje gatishmërie, pasi asgjë nuk mund të frenojë lumin e zjarrtë nëse vendos të shpejtojë ritmin, duke lënë arratinë si mundësinë e vetme.

Llava, që rrjedh nga 15 çarje në kraterin e vullkanit, tashmë mbulon gati 60 hektarë tokë. Por banorët, shtëpitë e të cilëve i mbijetuan llavës, janë lajmëruar të evakuojnë gjithsesi për shkak të emisioneve të gazit por edhe një shpërthimi të ri të vullkanit.

Gjeologët kanë paralajmëruar se janë të gjithë kushtet për një shpërthim edhe më të fuqishëm brenda orëve apo ditëve të ardhshme. Agjencitë turistike flasin për anulim të prenotimeve për muajt e verës, përcjell Telegrafi.

Lumenjtë e tjerë të llavës udhëtonin me shpejtësi deri në 274 metra në orë.

Më shumë se 2,000 njerëz janë evakuuar nga zonat e banuara në Big Island dhe helikopterët e Gardës Kombëtare janë dërguar për të transportuar së paku katër banorë nga zona më e ulët e Puna në Hawaii.

Që nga e premtja, zyrtarët e Qarkut të Hawaiit kishin shpërndarë rreth 2,000 maska të gazit N95 për të ndihmuar në mbrojtjen e vendësve nga nivelet e larta të dyoksidit të squfurit dhe hirit në ajër. /Telegrafi/