Si asnjëherë më parë në Komunën e Lipjanit sot gjatë ditës janë vendosur semaforë brenda qytetit. Rruga “Lidha e Prizerenit” ka qëndruar e mbyllur përderisa është bërë vendosja e këtyre samaforëve.

Semaforët janë në kuadër të projektit të zgjerimit të hapsirave publike dhe planit të mobilitetit. Kryetari i Komunës së Lipjanit, Imri Ahmeti, ka pohuar se vendosja e semaforëve në qytet janë në kuadër të kontratës së trotuarëve prej shkollës fillore deri te shtëpia e kulturës në Lipjan.

“Është në kuadër të kontratës së trotuarëve prej shkollës fillore deri tek shtëpia e shëndetit, pastaj vazhdimi i mbjelljës së drunjë ve dhe vendosja e bus-stacioneve, krejt kjo në bashkëfinancim me Demosin”, tha Ahmeti për LipjaniNews.com