Faik Bytyqi është rojtarë “Ulpiana” në Lipjan, por ka kohë që ai po e kryen edhe punën e rojtarit.

Këtë punë ai po e bën pasi shkolla e tyre është sulmuar disa herë, e Drejtoria e Arsimit në Lipjan, akoma nuk kanë gjetur një zgjidhje për ruajtjen e shkollës së mesme atje.

“Do thyerje kanë ndodh në shkollë, na thanë të punojmë përkohësisht, deri të gjendet një zgjidhje”, tha Bytyqi në Kosova Direkt, të Orës së Fundit.

“Nuk është që po na prish punë, të nesërmen jena të lirë, por secili i kemi obligimet tona”.

“Jemi 10 punëtorë, ndërsa nga 2 ruajmë çdo natë”. “Ishalla kryhet ma shpejtë, e gjendet një zgjidhje”.

Ndërsa Rasim Hasani, drejtor i Arsimit në komunën e Lipjanit tha në Kosova Direkt se këtë punë punëtorët teknikë janë duke e bërë sipas një marrëveshjeje.

“Ndërrimi i orarit të punës, është ndërrim i përkohshëm, derisa të gjendet zgjidhja për ruajtjen e objektit”.

“Unë po them se është ndërrim i orarit të punës, puna e cila është tash nuk është shtesë, është një punë”.

“Edhe në kontratë thuhet se kur ka vëllim të punëve mund edhe të ndryshon”.

“Nuk besoj se ka shkelje, qëllimi është i mirë, kur është qëllimi i mirë edhe punëtorët mirëkuptojnë”.

“Shumë shpejtë do të gjejmë zgjidhje për këtë çështje”.