Kryetari i Komunës, Imri Ahmeti së bashku me bashkëpunëtorë, përfaqësues të insitucioneve të ndryshme dhe qytetarë të shumtë të Lipjanit, i’u janë bashkuar marshit me moton “STOP Këtij Fenomeni Çnjerëzor”, me rastin e vrasjes në mënyrë mizore të H.M nga Lipjani, ku dhe kanë kërkuar dënim maksimal për këtë krim makabër.

Kryetari Imri Ahmeti, para të pranishmëve theksoi se për të luftuar këtë dukuri dhe këtë fenomen që po e trondit çdo ditë e më shumë vendin tonë, duhet të aktivizohen gjitha mekanzimat dhe shoqëria jonë në përgjithësi që t’i themi STOP këtij fenomeni në mënyrë që kurrë dhe asnjë rast tjetër të mos kemi.