Me kompaninë Baltia Airlines nuk ka fluturuar asnjë pasagjer dhe nuk është bartur ndonjë mall – por ajo ka ekzistuar si e regjistruar për 27-vjet.
Siç shkruajnë mediat e huaja, përcjell Telegrafi, Baltia Airlines u themelua në gusht të vitit 1989 nga Igor Dmitrowsky, i cili kishte planifikuar për të vepruar në shërbimet në mes të aeroportit John F Kennedy në New York, SHBA dhe aeroportit Pulkovo në Shën Petersburg, Rusi.
Por linja ajrore asnjëherë nuk mundi të bënte diçka, duke qëndruar për vite të tëra si e regjistruar – pa asnjë të hyrë.
Megjithatë, përcjell Telegrafi, kompania kishte në pronësi të një prej aeroplanëve më të mëdhenj në botë.
Linja ajrore bleu dy Boeing 747; i pari ishte pa motor, ndërsa i dyti nuk kishte marrë miratimin për të fluturuar.
I dyti dhe i vetmi që funksiononte ishte parë i parkuar në spektaklin e aeroplanëve në Michigan në vitin 2014. /Telegrafi/