Lëngu i limonit dhe i portokallit ul në mënyrë të konsiderueshme rrezikun e krijimit të gurëve në veshka, shkruan “Zëri.info”.
Gurët në veshka krijohen si pasojë e mungesës së sasisë së mjaftueshme të lëndëve, që parandalojnë krijimin e gurëve në urinë dhe nga pasurimi i urinës me kripëra që i formojnë ato.
Ato shkaktojnë dhimbje, gjak në urinë, infeksione të rrugëve urinare, temperaturë, përzierje dhe të vjella.
Te meshkujt shfaqen 3 herë më shumë se te femrat dhe njëri nga shkaqet kryesore të krijimit të tyre është ushqyerja e pamjaftueshme dhe moskonsumimi i lëngjeve.
Konsumimi i lëngjeve pra minimizon mundësinë e krijimit të gurëve në veshka. Lëngu i limonit dhe i portokallit ul në mënyrë të konsiderueshme rrezikun e krijimit të gurëve në veshka, për shkak të acidit nitrik që përmban. Ndërsa produktet e pasura me proteinë dhe me kripë rrisin mundësinë e krijimit të gurëve. /ZERI