Dimri nuk është vetëm të vishesh me rroba të trasha dhe të pish verë të kuqe afër zjarrit. Më shumë amerikanë vdesin nga helmimi me monoksid të karbonit (CO) gjatë muajve të dimrit sesa gjatë ndonjë kohe tjetër të vitit, sugjeron studimi i publikuar në ‘American journal of Emergency Medicine’.

Rreth 45,000 amerikanë trajtohen në vit për helmim nga monoksidi i karbonit, dhe rreth 1,600 prej tyre vdesin, transmeton Telegrafi.

Monoksidi i karbonit prodhohet kur digjet qymyri dhe, nëse akumulohet shumë monoksid karboni në shtëpinë tuaj, ju mund të përfundoni me helmim.

Hemoglobina – proteina në qelizat e gjakut e cila e bartë oksigjenin – më shumë preferon të ‘lidhet’ me monoksid të karbonit sesa me oksigjen. Kur mbushet me monoksid karboni, zemra dhe truri nuk mund të funksionojnë siç duhet dhe këtu lindin problemet.

Më e keqja është se monoksidi i karbonit nuk mund të shihet apo nuhatet, prandaj duhet të keni kujdes nga sëmundjet si dhimbjet abdominale, marramendjet, dhimbjet e lehta të kokës etj.