Partia e qendrës së majtë, Partia Social Demokrate, e ka zgjedhur sot njëzëri Martin Schulz si kandidatin e partisë për ta sfiduar kancelaren Angela Merkel në zgjedhjet e përgjithshme të vendit që do të mbahen këtë vit.
Në janar të këtij viti liderët e partisë papritmas e nominuan Schulz pasi kryetari Sigmar Gabriel dha dorëheqje. Që atëherë, social demokratët e kanë gëzuar një rritje në sondazhe e cila i është atribuuar efektit “Schulz”, transmeton Express.
Në një fjalim para delegatëve në një tubim special në Berlin, Schulz përmendi historinë 154-vjeçare të partisë për të bërë fushatë për të drejtat e punëtorëve, si dhe bëri thirrje për investime më të mëdha në edukim dhe kujdes shëndetësor.
Ndërkohë, sipas një sondazhi të publikuar sot nga “Bild am Sonntag” social demokratët gëzojnë 32% përkrahje, vetëm 1% më pak se blloku i Unionit të Merkelit./Express/
