Lideri i Koresë së Veriut ecën lirshëm nëpër rrugët Seulit, kryeqytetit të Koresë Jugore. Kalimtarët e rastit shikojnë me habi se si dikush që nuk duhet të jetë në këtë qytet, ecën lirshëm pa u frikësuar nëpër qytet, transmeton Gazeta Metro.
Por, natyrisht, ky nuk është vërtetë diktatori i Koresë Veriore, por është një person tjetër që imiton në mënyrë shumë të saktë komunistin Kim Jong-un.
Minyong Kim e kopjon Kim Jong-unin jashtëzakonisht mirë. Ai vishet me rroba të errëta, ka shtuar në peshë dhe e di mirë se si të imitojë shprehjet e fytyrës së Kim Jong-unit.
Krejt ky pasion i tij filloi me një natë të Halloëeenit, kur ai zgjodhi të vishej si Kim Jong-un. Rrjetet sociale u mbushën me fotografi që tregonin ngjashmërinë e tij me liderin komunist, e prej atëherë ai gjithnjë e ka praktikuar këtë gjë duke e shndërruar edhe në hobi.
Madje kjo edhe i ka sjellë të mira materiale. Dukjen si lideri komunist ai e ka shfrytëzuar për të marrë pjesë në disa fushata të marketingut, që ka qenë shumë të suksesshme.
