Reince PreibusEmërimi i parë i presidentit të zgjedhur ishte Reince Preibus si “shef i stafit”, një nga detyrat më të larta në Shtëpinë e Bardhë. Zgjedhja e shefit të stafit ka qenë për një “të brendshëm” në Washington, kryetari i Partisë Republikane, i cili ka kërkuar që të veprojë si një urë mes “mbretit të tullave” dhe establishmentit.

Steve BannonEmërimi i Steve Bannon si kryestrateg ka qenë deri tani më i diskutueshmi. Një “ish” tek Goldman Sachs dhe për katër vjet në krye të faqes ultraconservative të internetit Breitbart News, Bannon është i lidhur me lëvizjen “alt right”, e lidhur me ideologjinë e supremacisë të të djathtës radikale. Ai, megjithatë, ka shpjeguar për Hollywood Reporter se nuk është një “nacionalist i bardhë, por një nacionalist ekonomik”. “Ne do të krijojë një lëvizje të re politike që kombinon populizmin dhe nacionalizmin, të fokusuar në punën, – tha ai – do të jetë më mirë se revolucioni Reagan, konservatorët do të habiten”.

Michael FlynnGjenerali me tre yje në pension, të cilit Trumpi i ka ofruar postin e këshilltarit të Sigurisë Kombëtare, është një besnik i manjatit. Ai më parë ka drejtuar Agjencinë e Inteligjencës së Mbrojtjes nën Barack Obaman dhe ishte shumë kritik ndaj administratës së tij në luftën kundër ISIS. Sipas tij, kërcënimi që vjen nga Shteti Islamik duhet të kundërshtohet me veprime më agresive ushtarake, dhe ai beson se Uashingtoni duhet të bashkëpunojnë më shumë me Rusinë.

Jeff SessionsSenatorit të Alabamas, gjithashtu një mbështetës i orëve të para të Trumpit, i është ofruar posti i Sekretarit të Drejtësisë, një vendim i cili nuk vonoi të ngjallë kritika. Në të kaluarën emërimi i tij si gjyqtar federal është bllokuar për shkak të komenteve të tij raciste dhe ai është i njohur për linjën e ashpër kundër emigracionit. Për të, konfirmimi nga Senati është i nevojshëm.

Mike PompeoKongresmen i Kansasit dhe anëtar i Komitetit të Inteligjencës në Kongres, Mike Pompeo do të jetë drejtori i ardhshëm i CIA-s. Ai është një nga kundërshtarët më të fortë të marrëveshjes për çështjen bërthamore me Iranin dhe një mbështetës i mbajtjes së burgut të Guantanamos. Pompey ka kritikuar ashpër Hillary Clintonin për Bengazi, duke e quajtur sjelljen e saj “moralisht të dënueshme”.

Mitt RomneyIsh-kandidati presidencial në vitin 2012, u takua me Trumpin në vendpushimin e tij të golfit në Neë Jersey dhe është një prej kandidatëve të përshtatshëm për sekretar shteti. “Biseduam për çështjet ndërkombëtare të sigurisë – tha Romney -. Një takim shumë produktiv”. Romney ishte një nga kritikët më të ashpër të miliarderit gjatë fushatës zgjedhore, me të cilin shkëmbeu komente të helmët, por tani mund të hyjë në administratën e re. Zgjedhja e republikanit të moderuar do të jepte një sinjal të rëndësishëm për afrimin me establishmentin e Partisë Republikane.

Rudy GiulianiIsh Kryetari i Bashkisë së New Yorkut Rudy Giuliani, i futur në histori për politikën e tij të “tolerancës zero” ndaj krimit, konkurron për sekretariatin e shtetit. Besnik i “The Donald”, mbështetës pa kushte i luftës ndaj ISIS dhe sloganit “Make America Safe Again”, është mbështetur nga ndihmësit më të afërt të Trumpit, por jo nga përfaqësuesit e Partisë Republikane.

Nikki HaleyGuvernatore e Karolinës së Jugut, e bija e emigrantëve indianë, është një tjetër kandidate për rolin e Sekretarit të Shtetit, dhe është pothuajse e vetmja grua që përmendet në mesin e kandidatëve për administratën e re. Burime të afërta me presidentin e zgjedhur thonë se gjasat janë që në fund zgjedhja të bjerë mbi të.

Chris ChristieEmri i guvernatorit të New Jerseyt, shumë afër Trumpit, është në mesin e atyre në listën për sigurinë e brendshme, ministrinë e transporteve ose atë të tregtisë. Tashmë përjashtuar nga drejtuesit e “ekipit të tranzicionit”, kundër tij është burri i Ivankas, Jared Kushner, i cili dëshiron ta bëjë të paguajë për mosmarrëveshjet e vjetra personale. /Il Giornale-bota.al/