Kuvendi i Komunës së Lipjanit, nën udhëheqjen e Kryesuesit Daut Azemi gjatë ditës së sotme ka zhvilluar punimet e seancës së 17 me radhë, në të cilën janë shqyrtuar dhe aprovuar pikat e rendit të ditës të cilat ishin të propozuara për diskutim në këtë mbledhje. Në fillim të kësaj seance këshilltarët kanë adresuar pyetje për ekzekutivin komunal, në të njejtën kohë kanë marrë përgjegjje nga vetë Kryetari Imri Ahmeti, shkruan Komuna e Lipjanit.

Po ashtu gjatë kësaj mbledhje është aprovuar propozim vendimi për caktimin e lokacionit për ndërtimin e Xhamisë në fshatin Llugaxhi, propozim vendim paraprak për dhënien në shfrytëzim të afatshkurtër të pronave të paluajtshme të komunës, propozim rregullore për dhënien e dekoratave nga Komuna e Lipjanit, propozim vendim për miratimin e Planit komunal të veprimit për efiçiencën e energjisë (PKVEE) 2019-2021, thuhet në fund.